-
-
-
-
काठमाडौँ । शाहरुख खानको फिल्म ‘डंकी’ मा दमदार अभिनय गरेकी बलिउड अभिनेत्री तापसी पन्नु विवाहको तयारीमा छिन् ।
भारतीय सञ्चारमाध्यमका अनुसार तापसी पन्नुले १० वर्ष डेट गरेपछि ब्याडमिन्टन खेलाडी मथियास बोसँग विवाह गर्न लागेकी छिन् ।
मथियास बो र तापसी पन्नुले सन् २०२४ को मार्च महिनामा विवाह गर्न सक्नेछन् ।
यो जोडीले राजस्थानको उदयपुरमा शाही शैलीमा विवाह गर्न लागेको रिपोर्टमा उल्लेख छ ।
सिख र क्रिस्चियन परम्परा अनुसार विवाह हुने भएको छ ।
तर दुवैको विवाहको बारेमा अहिलेसम्म कुनै आधिकारिक घोषणा गरिएको छैन ।
