- सुन चाँदी दर
- विनिमय दर
- नेपाली पात्रो
- राशिफल
काठमाडौं । विभिन्न ९ बुँदे माग राखेर १०औंपटक आमरण अनशनरत प्राध्यापक डा. गोविन्द केसीको समर्थनमा बालुवाटार घेराउ भएको छ । विवेकशील नेपाली पार्टीको आह्वानमा शनिबार प्रधानमन्त्री निवास बालुवाटारमा घेराउ भएको हो ।
नारावाजीसहित घेराउ गर्न पुगेकाहरुले डा. केसीका अविलम्ब पूरा गर्न सरकारको ध्यानाकर्षण गराए । शिक्षा र स्वास्थ्यजस्तो जनताका मौलिक अधिकारप्रति सरकारले कुठाराघात गर्न खोजेको आरोप उनीहरुले लगाएका छन् ।
नवौं अनसनमा अख्तियार प्रमुखमाथिको महाभियोगलाई मुख्य मुद्दा बनाएका केसीले यसपटक भने त्रिभुवन विश्व विद्यालयका उपकुलपति तीर्थ खनियाको राजीनामालाई मुख्य मुद्दा बनाएका छन् ।
खनियाले केसीको माग विपरीत गत साता त्रिवि चिकित्साशास्त्र अध्ययन संस्थान आइओएमको डिन नियुक्त गरेपछि केसीले उनको राजीनामा माग गरेका हुन् ।
यस्तै, धर्नामा सहभागि भएकाहरुले शिक्षा र स्वास्थ्य क्षेत्रमा भ्रष्टाचार गर्नेहरुलाई तत्काल कारबाही गर्न समेत माग गरेका छन् ।