क्यान्सर पीडित लोकदोहोरी गायिका कोपिलाले गरिन् सहयोगका लागि अपील
हाम्रा कुरा
प्रकाशित २०८० चैत ७ बुधबार
2.8k
Shares
काठमाडौँ । पूर्वी नेपालको लोकदोहोरी जगेर्ना गर्न अग्रसर लोकदोहोरी गायिका कोपिला गौतमले सहयोगको अनुनय गरेकी छिन् ।
इलामे लोकदोहोरी गायक देवी गौतमकी छोरी क्यान्सर पीडित कोपिलाले उपचारका लागि सघाउन सबैमा अनुनय गरेकी हुन् ।
उनले आफू विगत तीन वर्षदेखि ओभरियन क्यान्सरको उपचार गराइरहेकामा उपचार र फलोअपकै क्रममा जेनेटिक टेष्टमा पोजेटिभ रिपोर्ट आएको र हाल आएर स्तनमा पनि समस्या देखिएकाले चिकित्सकको सल्लाहअनुसार शल्यक्रिया गरेर उपचार थाल्नुपर्ने भएकाले आर्थिक सहयोगका लागि अपील गरेकी हुन् ।
उनले सामाजिक सञ्जाल फेसबुकबाट थप औषधि उपचारका लागि आर्थिक अभाव भएकाले स्वदेश तथा विदेशमा भएका व्यक्तिहरुलाई सघाउनका लागि अनुरोध गरेकी हुन् ।
उनले राष्ट्रिय वाणिज्य बैंकको खाता नम्बरसमेत दिएकी छिन् । उनले राष्ट्रिय वाणिज्य बैंक नयाँ बानेश्वर शाखाको खाता नम्बर १४२०१०००२२८८४०१० मा रकम पठाउन पनि आग्रह गरेकी छिन् ।
