रविलाई बचाउन संसद अधिवेशन अन्त्य गरेपछि ओलीको आरोप- कांग्रेसले चल्न नदिएपछि अन्त्य भयो [भिडियो]
हाम्रा कुरा
प्रकाशित २०८० चैत ३० शुक्रबार
775
Shares
काठमाडौँ । उपप्रधान एवं गृहमन्त्री रवि लामिछाने सहकारी प्रकरणमा मुछिएपछि सरकारले संसद अधिवेशन अन्त्य गरेको छ ।
रविलाई बचाउन संसद अधिवेशन अन्त्य भएपछि नेकपा एमालेका अध्यक्ष केपी शर्मा ओलीले नेपाली कांग्रेसले संसद सञ्चालन गर्न नदिएका कारण चालु संसद अधिवेशन अन्त्य गर्नुपरेको बताएका छन् ।
शुक्रवार सिंहदरबारस्थित प्रधानमन्त्री तथा मन्त्रीपरिषद्को कार्यालयमा प्रधानमन्त्री पुष्पकमल दाहालसँगको भेटपछि सञ्चारकर्मीहरूसँग कुरा गर्दै उनले यस्तो प्रतिक्रिया दिएका हुन् ।
उनले संसद अधिवेशन अन्त्य र शुरु हुने क्रम जारी रहने बताए । प्रधानमन्त्री दाहाल र ओलीबीच आज समसामयिक राजनीतिक घटनाक्रमका बारेमा छलफल भएको थियो । कांग्रेसले सहकारी प्रकरणमा संसदीय छानबिन समितिको माग गर्दै आएको थियो ।
सोसँगै बसेको मन्त्रिपरिषद् बैठकले संसद अधिवेशन अन्त्य गर्न राष्ट्रपति समक्ष सिफारिस गर्ने निर्णय गरेको छ ।
