-
-
-
-
काठमाडौँ । लगानी सम्बन्धी कानून संशोधन गर्न सरकारले अध्यादेश ल्याएको छ । सोमबार बसेको मन्त्रिपरिषद् बैठकले उक्त कानून संशोधन गर्न राष्ट्रपति रामचन्द्र पौडेलसमक्ष सिफारिस गरेको हो ।
यही बैशाख १६ र १७ गते हुन लागेको तेस्रो लगानी सम्मेलनका लागि सरकारले १० कानून संशोधनको तयारी गरेको थियो । तर संसदको नियमित अधिवेशनबाट यो आउन सकेन । अहिले ‘लगानी सहजीकरणसम्बन्धी केही नेपाल ऐनलाई संशोधन गर्न’ बनेको अध्यादेश राष्ट्रपतिकहाँ सिफारिस गरिएको हो ।
यस्तै आजको बैठकले अर्थ मन्त्रालयको सचिवमा मधुकुमार मरासिनीलाई ल्याउने निर्णय समेत गरेको छ । यसअघि मरासिनी उद्योग वाणिज्य तथा आपूर्ति मन्त्रालयका सचिव थिए । नेशनल पेमेन्ट गेटवे प्रकरणमा अख्तियारले प्रतिवादी बनाएपछि उनी निलम्बित भएका थिए ।
विशेष अदालतबाट सफाइ पाएलगत्तै मरासिनीलाई अर्थसचिवको जिम्मेवारी दिइएको हो ।
