२३ हजार बढी मत गणना हुँदा बझाङमा अभिषेकको अग्रता कायमै
हाम्रा कुरा
प्रकाशित २०८१ वैशाख १७ सोमबार
497
Shares
बझाङ । बझाङ क्षेत्र नं १ को प्रदेशसभा (क) मा भएको उपनिर्वाचनको मतगणना जारी छ ।
२३ हजार ३ सय ७३ सदर मत गणना हुँदा नेपाली कांग्रेसका उम्मेदवार अभिषेकबहादुर सिंहको अग्रता कायमै रहेको छ ।
प्राप्त परिणामअनुसार कांग्रेसका उम्मेदवार सिंहले आठ हजार ८ सय ७४ मत प्राप्त गरेका छन् ।
उनी पछि दोस्रो स्थानमा एमालेका दमनबहादुर भण्डारी रहेका छन् । भण्डारीले आठ हजार ६ सय १५ मत पाएका छन् ।
अभिषेक २५९ मतले दमनभन्दा अगाडि रहेका छन् ।
साथै नेकपा (माओवादी केन्द्र) का जनकबहादुर बुढाले तीन हजार २ सय १५ मत ल्याएका छन् ।
नेकपा (एकीकृत समाजवादी) का दिलबहादुर सिंहले दुई हजार ३ सय १० मत प्राप्त गरेका छन् ।
हालसम्म जयपृथ्वी नगरपालिका, खप्तडछान्ना गाउँपालिका, छविसपाथिभेरा गाउँपालिका, सुर्मा गाउँपालिका, थलारा–९ र मस्टा गाउँपालिका–१ र २ को मत गणना सम्पन्न भएको छ ।
