-
-
-
-
काठमाडौँ । बझाङ-१ प्रदेशसभा (क) मा भएको प्रदेशसभा सदस्य निर्वाचनको जारी मतगणनामा नेकपा एमाले झिनो मतले अगाडि लागेको छ ।
निर्वाचन आयोगका अनुसार एमालेका उम्मेदवार दमनबहादुर भण्डारी नौ मतले अगाडि रहेका छन् । भण्डारीले नौ हजार आठ सय ८९ मत प्राप्त गरेका छन् ।
यसअघि नेपाली कांग्रेसका उम्मेदवार अभिषेकबहादुर सिंह २५९ मतले दमनभन्दा अगाडि रहेका थिए ।
अभिषेकले नौ हजार आठ सय ८० मत प्राप्त गरेका छन् ।
जयपृथ्वी नगरपालिका, खप्तडछान्ना, छविसपाथिभेरा, सुर्मा, मष्टा, थलारा गाउँपालिका-९ र तलकोट १ र २ को मतगणनापछि कांग्रेसभन्दा एमालेको मत थपिएको हो ।
साथै नेपाल कम्युनिष्ट पार्टी (माओवादी केन्द्र)का उम्मेदवार जनकबहादुर बुढाले तीन हजार छ सय ५४, नेपाल कम्युनिष्ट पार्टी (एकीकृत समाजवादी)का दिलबहादुर सिंहले दुई हजार चार ८५ मत प्राप्त गरेका छन् ।
हालसम्म २६ हजार २ सय १८ सदर मत गणना भएको छ ।
