काठमाडौँ । नेपाली कांग्रेसका महामन्त्री गगनकुमार थापा र नेता डा. शेखर कोइरालाबीच छलफल भएको छ । दुवै नेताहरुबीच आइतबार बिहान कोइरालाको सचिवालय विशालनगरमा भेटघाट भएको हो ।
नेता कोइराला र महामन्त्री थापाको यो नियमित भेटघाट रहेको बुझिएको छ । भेटघाटमा कोइराला र थापाबीच राष्ट्रिय राजनीति, संसदमा कांग्रेसले जारी राखेको अवरोध र पार्टीको आन्तरिक गतिविधिका बारेमा कुराकानी भएको थियो ।
भेटमा महामन्त्री थापाले शनिबार राष्ट्रपति र आइतबार प्रधानमन्त्रीसँग भएको भेटघाटबारे कोइरालालाई जानकारी गराएका थिए ।
