स्वास्थ्य मन्त्रालयको नियुक्ति तथा मनोनयन मापदण्ड स्वीकृत

स्वार्थको द्धन्द्ध देखिने व्यक्ति नियुक्ति तथा मनोनयनका लागि योग्य नहुने

प्रकाशित मिति : २०७३ मङ्सिर १६ बिहिबार

काठमाडौं । स्वास्थ्य मन्त्रालय अन्तर्गतका सार्वजनिक निकायहरुमा नियुक्ति तथा मनोनयन सम्बन्धि मापदण्ड सरकारले स्वीकृत गरेको छ । नियुक्ति तथा मनोनयनलाई व्यवस्थित र प्रभावकारी बनाउन स्वास्थ्य मन्त्री गगनकुमार थापाले पेश गरेको मापदण्डलाई मन्त्रिपरिषद्ले  स्वीकृत गरेको हो ।

नियक्ति तथा मनोनयन संवन्धी मापदण्ड स्वीकृत भएपछि लामो समयदेखि खाली रहेका पदाधिकारीहरुमा पदपूर्ति गर्ने बाटो खुलेको छ । अहिले कर्णाली स्वास्थ्य विज्ञान प्रतिष्ठान, पश्चिमाञ्चल स्वास्थ्य विज्ञान प्रतिष्ठान, पाटन स्वास्थ्य विज्ञान प्रतिष्ठान, अञ्चल अस्पताल समिति, केही जिल्ला अस्पताल विकास समिति लगायतमा पदाधिकारी खाली छन् ।

यो मापदण्डले सबै सार्वजनिक निकायको नियुक्ति तथा मनोनयनलाई एक रुपता समेत दिने बताइएको छ । यसअघि विकास समिति, प्रतिष्ठान र काउन्सिलहरुमा नियुक्ति सम्बन्धि फरक–फरक व्यवस्था थियो । मापदण्डमा यसअघि नभएका केही नयाँ मापदण्डहरु राखिएको स्वास्थ्य मन्त्री थापाका कानुनी सल्लाहकार राजु कटुवालले जानकारी दिए ।

शैक्षिक योग्यता, उमेर, कार्यसम्पादन सम्झौता लगायतका शर्तहरु अहिले थपिएको कटुवालले बताए । तर, स्वार्थको द्धन्द्ध देखिने व्यक्ति नियुक्ति तथा मनोनयनका लागि योग्य नहुने मापदण्डमा उल्लेख छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ