-
-
-
-
काठमाडौँ । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच भेटवार्ता भएको छ । दुई नेताबीच प्रधानमन्त्री निवास बालुवाटारमा भेटवार्ता भएको हो ।
सत्ता साझेदार दुई नेताबीच सरकार सञ्चालन र सत्य निरुपण तथा मेलमिलाप (टीआरसी) सम्बन्धी विधेयकबारे छलफल भएको बुझिएको छ ।
यसअघि शनिबार नेपाली कांग्रेसका सभापति शेरबहादुर देउवा र एमाले अध्यक्ष ओलीबीच ओली निवास बालकोटमा भेटवार्ता भएपछि राजनीतिक वृत तरंगित भएको छ ।
हालको सत्ता समीकरणमा सरकार विस्तार, बजेटलगायतका विषयमा विवाद बढिरहेका बेला देउवा र ओलीको भेटलाई अर्थपूर्ण रुपमा हेरिएको छ ।
त्यसलगत्तै असमझदारी माझ्ने नाममा प्रचण्ड र ओलीबीच छलफल भएको हो ।
