काठमाडौँ । पोल्याण्ड र जर्मनीले युरोपेली सङ्घको बाह्य सिमानाको संरक्षण र युरोपेली वायु रक्षा प्रवर्द्धन गर्न सहयोग गर्ने पोल्यान्डका प्रधानमन्त्री डोनाल्ड टस्कले बताएका छन् ।
भ्रमणमा रहेका जर्मन चान्सलर ओलाफ स्कोल्जसँगको संयुक्त पत्रकार सम्मेलनमा टस्कले युरोपेली सङ्घको पूर्वी सिमानाको रक्षाका लागि जर्मनी अन्य ईयू सदस्य राष्ट्रहरूसँग जिम्मेवारी बाँडफाँट गर्न तयार रहेको कुरा सुन्दा आफू खुसी भएको बताए ।
पोलिश प्रेस एजेन्सी (पीएपी) का अनुसार पोलिश प्रधानमन्त्रीको कार्यालयमा मंगलबारको बैठक २०१८ पछि पहिलो अन्तर–सरकारी परामर्श थियो । टस्कले भर्खरै पूर्वी शिल्ड भनेर चिनिने बेलारुस र रुससँगको पोल्यान्डको सिमानालाई बलियो बनाउन महत्त्वपूर्ण पहलको घोषणा गरेको छ । यस प्रयासलाई बाल्टिक राज्यहरूले प्रस्ताव गरेको यस्तै परियोजनासँग एकीकृत गर्न वार्ता भइरहेको छ ।
ईस्ट शिल्ड परियोजना, बाल्टिक राज्यहरूसँगको सहकार्यमा, एक पूर्वाधार हो, जुन युरोपेली सीमाको सुरक्षालाई बलियो बनाउन डिजाइन गरिएको बताए । टस्कले सीमालाई प्रभावकारी रूपमा सुरक्षित राख्नु जर्मनीको हितमा पनि रहेको बताए । टस्कले पोल्याण्ड र जर्मनीबीच द्विपक्षीय समाधान र युरोपेली स्काई शिल्ड इनिसिएटिभमा सहयोगको स्वागत गरे ।
