-
-
-
-
काठमाडौँ । अमेरिकाको मियामीमा जारी कोपा अमेरिका फुटबल प्रतियोगिताको फाइनलमा अर्जेन्टिना र कोलम्बिया भिडिरहेका छन् ।
१ घण्टा २२ मिनेट ढिला गरी शुरु भएको फाइनलको निर्धारित ९० मिनेटको खेल गोलरहित बराबरीमा सकिएको छ ।
अतिरिक्त समयको खेल भइरहेको छ । गोल भने हुन सकेको छैन । खेलमा कोलम्बिया हावी भएको छ ।
अर्जेन्टिनी कप्तान लियोनल मेस्सी भने घाइते भएर मैदान बाहिर रहेका छन् । उनी रोएका छन् ।
कोलम्बियाले बल पोसेसनमा ५३ प्रतिशत ओगटेकामा गोलका लागि आधा दर्जन प्रहार गरेको छ ।
अर्जेन्टिनाका गोलपिकरले चार वटा प्रहारको उत्कृष्ट बचाउ गरेका थिए । फाउल भने कोलम्बियाले बढी खेलेको छ । कोलम्बियाले १६ फाउल खेल्दा अर्जेन्टिनाले ६ फाउलमात्र खेल्यो ।
दुवै टिमका एक एक खेलाडीले पहेँलो कार्ड पाएका छन् ।
