-
-
-
-
काठमाडौँ । भारतीय प्रधानमन्त्री नरेन्द्र मोदीले सामाजिक सञ्जाल एक्समा कीर्तिमान बनाएका छन् । उनका एक्समा १० करोड फलोअर भएका छन् ।
यो नै विश्व कीर्तिमान हो । अहिलेसम्म कुनै पनि विश्वका नेताका एक्समा यतिधेरै फलोअर रहेका थिएनन् ।
उनी विश्वकै पहिलो नेता हुन् जसका फलोअर १० करोड रहेका छन् । अमेरिकी राष्ट्रपति जो बाइडेनका ३.८ करोड फलोअर्स रहेका छन् ।
पछिल्लो तीन वर्षमा मात्रै उनका तीन करोड फलोअर बनेका छन् । तेस्रो नम्बरमा टर्किएका राष्ट्रपति रेसेप तैयप एर्दोगानका २ करोड १५ लाख फलोअर रहेका छन् ।
मोदी सन् २००९ देखि एक्समा जोडिएका थिए । भारतीय नेताहरुमा पनि मोदी सबैभन्दा अगाडि छन् ।
दोस्रो स्थानका भारतीय विपक्षी दलका नेता राहुल गान्धीका २ करोड ६४ लाख फलोअर रहेका छन् ।
त्यस्तै अरविन्द केजरीवालका २ करोड ७५ लाख तथा समाजवादी पार्टीका अखिलेश यादवका १ करोड ९९ लाख फलोअर रहेका छन् ।
