केरलमा चार गाउँ पहिरोमा बगेसँगै १५१ को मृत्यु, २२० बेपत्ता
हाम्रा कुरा
प्रकाशित २०८१ साउन १६ बुधबार
1k
Shares
काठमाडौँ । भारतको केरलमा पहिरो जाँदा अहिलेसम्म १५१ जनाको मृत्यु भएको छ भने २२० जना बेपत्ता भएका छन् ।
मंगलबार बिहान २ देखि ६ बजेको बीचमा गएको पहिरोमा चार गाउँ बगेका हुन् । मुन्डक्कई, चुरलमाला, अट्टामाला र नुलपुझामा घर, पुल, सडक र गाडीहरु बगेका छन् ।
अहिलेसम्म १५१ जनाको मृत्यु भएको छ । ११६ जना अस्पतालमा भर्ना भएका छन् । २२० जना बेपत्ता भएका छन् ।
भारतको दक्षिणी तटीय राज्य केरलामा वर्षाका कारण वायनाड जिल्लास्थित घटनास्थलको प्रमुख पुल भत्किएकाले उद्धार कार्यमा बाधा पुगेको स्थानीय सञ्चार माध्यमहरुले जनाएका छन् ।
भारतीय सेनाले खोज तथा उद्धार कार्यका लागि यस क्षेत्रमा २२५ भन्दा बढी सैनिकहरू तैनाथ गरेको जनाएको छ ।
प्रधानमन्त्री नरेन्द्र मोदीले सामाजिक सञ्जाल एक्समा केरला सरकारलाई विपद्को अवस्थामा सम्भावित सबै सहयोग गर्ने आश्वासन दिएका छन्।
उनले घटना प्रति दुखः व्यक्त गदै मृत आत्माको चिर शान्तिको कामना तथा परिवार जनमा समवेदना प्रकट गरेका छन् ।
केरलामा मङ्लबार थप वर्षाका साथै तीव्र हावाहुरीको पूर्वानुमान गरिएको राज्यको विपद् व्यवस्थापन एजेन्सीले जनाएको छ ।
वायनाड केरलको पहाडी क्षेत्र हो र यहाँ ठूलो संख्यामा पर्यटकहरू आउने गर्छन् ।
कोझिकोड एयरपोर्टबाट वायनाडको दूरी लगभग ८६ किलोमिटर छ ।
