शेख हसिनाले दिइन् राजीनामा, सेनाले अन्तरिम सरकार बनाउने
हाम्रा कुरा
प्रकाशित २०८१ साउन २१ सोमबार
1.3k
Shares
काठमाडौँ । बंगलादेशकी प्रधानमन्त्री शेख हसिनाले राजीनामा दिएकी छिन् । आरक्षण विरोधी आन्दोलन चर्किएर सोमबार स्थिति नियन्त्रण बाहिर गएपछि हसिनाले राजीनामा दिएकी हुन् ।
राजधानी ढाकामा करिब चार लाख आन्दोलनकारी सडकमा उत्रिएर नियन्त्रण बाहिर गएसँगै उनले राजीनामा दिएकी हुन् ।
हसिनाले प्रधानमन्त्रीको सरकारी निवासमेत छाडिकसेकी छिन् । समाचार एजेन्सी एएफपीले सूत्रलाई प्रयोग गर्दै उक्त जानकारी दिएको हो ।
हसिना ढाका छाडेर सुरक्षित स्थानमा गइसकेकी छिन् । उनीसँग उनकी बहिनीसमेत साथमा रहेकी छिन् ।
मिडिया रिपोर्टअनुसार हसिना सेनाको हेलिकोप्टरमा सवार रहेर भारत पुगेकोसमेत बताइएको छ ।
उनी पश्चिम बंगालमा गएको बताइए पनि यसको आधिकारिक पुष्टि भने हुन सकेको छैन ।
बंगलादेशमा चलेको आरक्षणको विरोधका कारण तीन सय भन्दा बढीको ज्यान गएको छ भने सयौँ घाइते भएका छन् ।
सेना प्रमुख जनरल वकार–उज–जमानले हसिनाले राजीनामा दिएको पुष्टि गर्दै सबै दलसँगको सहमतिमा अन्तरिम सरकार बनाउने बताएका छन् ।
