-
-
-
-
ढाका । बंगलादेशमा प्रदर्शनकारीहरूले सन् १९७१ को युद्धसँग सम्बन्धित राष्ट्रिय स्मारक भत्काएका छन् ।
मुजिबनगरमा अवस्थित यो स्मारक भारत–मुक्तिवाहिनी सेनाको विजय र पाकिस्तानी सेनाको पराजयको प्रतीक थियो।
१६ डिसेम्बर १९७१ मा पाकिस्तानका लेफ्टिनेन्ट जनरल एएके नियाजीले हजारौं सैनिकसहित भारतीय सेनासमक्ष आत्मसमर्पण गरेका थिए ।
उनले भारतीय सेनाका अफिसर कमाण्डिङ–इन–चीफ लेफ्टिनेन्ट जनरल जगजीत सिंह अरोराको अगाडि कागजातमा हस्ताक्षर गरे। उनको छवि यस स्मारकमा चित्रण गरिएको थियो ।
तर सो स्मारक भत्काएको तस्बिर अहिले सामाजिक सञ्जालमा भाइरल भइरहेको छ ।
‘युनुस मोहम्मद भारतका लागि खतरा छैनन्’
यद्यपि भारतीय कांग्रेस नेता शशि थरुरले एक अन्तर्वार्तामा मोहम्मद युनुस भारतका लागि खतरा नभएको बताएका छन् ।
उनले युनुसको पाकिस्तानको आईएसआई वा जमात ए–इस्लामीसँग कुनै सम्बन्ध नभएको बताए।
उनीहरु अमेरिकासँग नजिक छन् । यस्तो अवस्थामा उनको अन्तरिम सरकार गठनले भारत–बंगलादेश सम्बन्धमा खासै प्रभाव पार्ने छैन ।
