मन्त्रिपरिषद् बैठक : प्रधानमन्त्री तथा मन्त्रीहरुको सम्पत्ति विवरण सार्वजनिक गर्ने निर्णय

अबदेखि मन्त्रीका सम्पत्ति विवरण वेबसाइटमै हेर्न पाइने

प्रकाशित मिति : २०७३ मङ्सिर २६ आइतबार
फाइल : तस्वीर

काठमाडौं । सरकारले प्रधानमन्त्री तथा मन्त्रीहरुको सम्पत्ति विवरण सार्वजनिक गर्ने निर्णय गरेको छ । आइतबार साँझ प्रधानमन्त्रीको कार्यालय सिंहदरबारमा बसेको बसेको मन्त्रिपरिषद् बैठकले प्रधानमन्त्री तथा मन्त्रीहको सम्पत्ति विवरण सार्वजनिक गर्ने निर्णय गरेको बैठकमा सहभागि ऊर्जामन्त्री जनार्दन शर्माले जानकारी दिए ।

शर्माले हाम्राकुरासँग भने, ‘मूल निर्णय यही हो । अन्य ३६ वटा निर्णय भएका छन् । विभन्न मन्त्रालयका विभिन्न प्रस्तावहरु थिए । मेरो मन्त्रालयको सामान्य प्रस्ताव थियो ।’  सम्पत्ति विवरण सार्वजनिक गर्ने निर्णयसँगै अब प्रधानमन्त्री तथा मन्त्रिपरिषद् कार्यालयले सम्पत्ति विवरण वेबसाइटमार्फत् नै सार्वजनिक गर्ने बताइएको छ ।

नियमानुसार सार्वजनिक पद धारण गरेकाहरुले ६० दिनभित्र सम्पत्ति विवरण बुझाउनु पर्दछ । प्रधानमन्त्री र मन्त्रीहरुले १५ दिनमै सम्पत्ति विवरण सार्वजनिक गर्ने पराम्परा चलेकामा मन्त्रिपरिषद् गठन भएको चार महिना वितिसक्दा समेत सम्पत्ति विवरण सार्वजनिक हुन सकेको थिएन ।

यस्तै मन्त्रिपरिषद् बैठकले सहसचिव सुरोज पोखरेललाई सचिवमा बढुवा गरेको छ । सामान्य प्रशासन मन्त्रालयलले बढुवाका लागि तीन जना सहसचिवको नाम सिफारिस गरेकामा पोखरेल बरिष्ठताका आधारमा सचिव बढुवा भएका हुन् । ा पोखरेल, युवकध्वज जीसी र प्रकाश माथेमा सिफारिसमा परेका थिए ।

यसैगरी, मन्त्रिपरिषद् बैठकले राजनीतिक पूर्वाग्रहका कारण हटाइएका शिक्षकहरुबारे जाँचबुझ गर्न पूर्वन्यायाधीश गोविन्द पराजुलीको संयोजकत्वमा समिति गठन गरेको छ ।

मन्त्रिपरिषदले केही दिन अघि त्रिविका बरिष्ठ हाड जोर्नी रोग विशेषज्ञ गोविन्द केसीसँग भएको सहमतिको स्वामित्व ग्रहण गरी सम्झौता कार्यान्वयनका लागि कार्यविधि बनाउने निर्णय पनि गरेको छ । केसीले तीन दिन अघि मात्रै आफुसंग भएको सहमति पालना नभएको भन्दै ध्यानाकर्षण गराएका थिए ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ