-
-
-
-
काठमाडौँ । भारतको दिल्लीका मुख्यमन्त्री अरविन्द केजरीवाल मदिरा नीति प्रकरणमा मुछिएको सीबीआईको अनुसन्धानले देखाएको छ ।
उनी मदिरा नीति बनाउने र उसलाई लागू गर्ने आपराधिक जालसाजमा शुरुआतदेखि नै सामेल भएको सीबीआईको प्रतिवेदनमा उल्लेख छ ।
सीबीआईले उनीविरुद्ध आरोप पत्र पनि दर्ता गराएको छ । आरोप पत्रअनुसार सन् २०२१ को मार्चमा जब मनीष सिसोदियाको अध्यक्षतामा मदिरा नीति तयार हुँदैथियो तब केजरीवालले पार्टीलाई पैसाको जरुरी रहेको भन्दै नजिकका र आम आदमी पार्टीका मिडिया र संचार प्भारी विजय नायरलाई कोष जुटाउने जिम्मा सुम्पेका थिए ।
यसअघि उनलाई मदिरा अपचलनमा जोडिएको मुद्रा अपचलनमा ईडीले २१ मार्चमा गिरफ्तार गरेको थियो । त्यसपछि उनलाई फेरि जुन २६ मा तिहाड जेलबाट गिरफ्तार गरेको थियो ।
सीबीआईका अनुसार विजय नायरले साउथ ग्रुपबाट एक अर्ब भारु असुलेका छन् ।
