-
-
-
-
पोखरा । पोखरा महानगरपालिका वडा नं. १७ स्थित पावरहाउस रिसोर्टको स्वीमिङ पुलमा डुबेर एक जनाको मृत्यु भएको छ ।
मृत्यु हुनेमा पोखरा भ्रमणमा आएका भारतीय लखनउका बर्ष २३ का देवान सिंह रहेका छन् ।
जिल्ला प्रहरी कार्यालय कास्कीले दिएको जानकारी अनुसार मंगलबार दिउँसो १ः३० बजे रिसोर्टको स्वीमिङ पुलमा पौडी खेल्नेक्रममा उनी डुबेका थिए ।
उनको तत्कालै उद्दार गरी उपचारका लागि गण्डकी मेडिकल कलेजमा लगिएकोमा मंगलबार दिउँसो करिब ४ बजे उपचारकै क्रममा मृत्यु भएको थियो ।
उनको शव मणिपाल शिक्षण अस्पतालमा पोष्टमार्टम गरी परिवारको जिम्मा लगाइएको प्रहरीले जनाएको छ ।
मृतक युवकका बुबा रुकमेन्द्र प्रताव सिंहले शव बुझेर भारततर्फ नै लगेका छन् ।
