-
-
-
-
काठमाडौँ । मेडिकल व्यवसायी दुर्गा प्रसाईविरुद्ध साइबर अपराध गरेको आरोपमा जिल्ला अदालत काठमाडौँमा दुई ओटा साइबर अपराधको मुद्दा दायर भएको छ ।
जिल्ला सरकारी वकिलको कार्यालयले साइबर ब्युरोको अनुसन्धान प्रतिवेदनको आधारमा जिल्ला अदालत काठमाडौमा दुईवटा मुद्दा दायर गरेको हो ।
प्रसाईविरुद्ध सामाजिक सञ्जालमा एक महिलाको चरित्रहत्या गरेको आरोपमा एउटा मुद्दा दायर भएको छ भने सामाजिक सञ्जालमार्फत चरित्रहत्यासँग सम्बन्धित अर्को मुद्दा पनि दर्ता भएको छ ।
मुद्दामा प्रसाईलाई अधिकतम ५ वर्ष कैद र एक लाख रुपैंया जरिबानाको माग गरिएको छ ।
प्रसाईलाई गत असोज ६ गते मा भक्तपुरस्थित उनकै निवासबाट पक्राउ गरिएको थियो । उनलाई राप्रपाकी नेतृ ज्वाला संग्रौलाले दिएको उजुरीको आधारमा प्रहरीले पक्राउ गरेको हो ।
