मोदी दोस्रो पटक गए मौरिसस, राष्ट्रिय दिवसका प्रमुख अतिथि
हाम्रा कुरा
प्रकाशित २०८१ फागुन २७ मंगलबार
1.6k
Shares
काठमाडौँ । भारतीय प्रधानमन्त्री नरेन्द्र मोदी दोस्रो पटक मौरिसस गएका छन् । उनी दुई दिने राजकीय भ्रमणका लागि मंगलबार मौरिसस पुगेका हुन् । उनले बुधबार मौरिससको ५७ औँ राष्ट्रिय दिवस समारोहमा मुख्य अतिथिको रुपमा सहभागीता जनाउने छन् ।
विमानस्थलमा मौरिससका प्रधानमन्त्री डा नवीनचन्द्र रामगुलामले उनलाई स्वागत गरे । मोदीले सामाजिक सञ्जाल एक्समा पोष्ट गर्दै रामगुलामप्रति आभार व्यक्त गरेका छन् ।
भारतीय प्रवासीहरुले भारत माताको जयको नारा लगाउँदै मोदीलाई स्वागत गरे । मौरिससका महिलाहरुले पारम्परिक बिहारी गीत गवई गाएका थिए ।
उनी प्रधानमन्त्रीका रुपमा सन् २०१५ मा पनि मौरिसस गएका थिए ।
