पोखरा । स्याङ्जास्थित कालीगण्डकी नदीमा हामफालेर एक व्यक्ति बेपत्ता भएका छन् ।
स्याङ्जा चापाकोट नगरपालिका वडा नं १ तेउनासस्थित कालीगण्डकी नदीमा हामफालेर पाल्पा रामपुर नगरपालिका-१०, कुमालटोलका ५८ वर्षीय मेघनाथ कुमाल बेपत्ता भएका हुन् ।
जिल्ला प्रहरी कार्यालय स्याङ्जाका अनुसार आज दिउँसो करिब २ बजे उनी कालीगण्डकीमा हामफालेका हुन् ।
वैदेशिक रोजगारीमा रहेकी छोरीलाई समान पठाउन भनी उनी घरबाट हिँडेकोमा सम्बन्धित ठाउँमा नपुगि कालीगण्डकीमा हामफालेको प्रहरी कार्यालय स्याङ्जाका सूचना अधिकारी प्रहरी निरीक्षक प्रवेश तिवारीले जानकारी दिए ।
उनको इलाका प्रहरी चापाकोटबाट प्रहरी टोली खटिएर खोजी गरिरहेको प्रहरी निरीक्षक तिवारीले जानकारी दिए ।
