मोदी र इशिबाले गरे बुलेट ट्रेनमा यात्रा, चीन प्रस्थान
हाम्रा कुरा
प्रकाशित २०८२ भदौ १४ शनिबार
1.5k
Shares
टोकियो । भारतीय प्रधानमन्त्री नरेन्द्र मोदी आफ्नो जापान भ्रमणको दोस्रो दिन उन्नत बुलेट ट्रेन हेर्न शनिबार मियागी प्रान्तको सेन्डाई पुगे । जापानका प्रधानमन्त्री शिगेरु इशिबा पनि उनीसँगै उपस्थित थिए ।
दुवै नेताहरूले रेलमा यात्रा गरे। यस क्रममा उनीहरूले भारतका रेल चालकहरूलाई पनि भेटे। जापानको पूर्वी रेलवेले उनीहरूलाई तालिम दिइरहेको छ। उनीहरूले भारतमा चल्ने बुलेट ट्रेनहरू चलाउनेछन्।
सेन्डाई पुग्दा स्थानीय जनता र भारतीय समुदायले उनलाई स्वागत गरे। मानिसहरूले हातमा झण्डा लिएर ुजापानमा स्वागत छ, मोदी सान ! को नारा लगाइरहेका थिए।
यसअघि, मोदीले शुक्रबार १५ औँ भारत(जापान शिखर सम्मेलनमा भाग लिएका थिए। यस अवधिमा दुई देशबीच १५० वटा सम्झौतामा हस्ताक्षर भएको थियो। जापानी प्रधानमन्त्रीले आगामी १० वर्षमा भारतमा ६ लाख करोड रुपैयाँ लगानी गर्ने कुरा गरे ।
जापानपछि मोदी अब चीन प्रस्थान गरेका छन् । उनी आइतबार एससीओ शिखर सम्मेलनमा भाग लिनेछन्। यसबाहेक मोदीले चिनियाँ राष्ट्रपति सी चिनफिङ र रुसी राष्ट्रपति भ्लादिमिर पुटिनलाई भेट्ने छन् ।
