कम्बोडिया र थाइल्याण्डद्वारा 'शान्ति घोषणापत्र' मा हस्ताक्षर
सीमा विवाद सुधार्ने प्रतिबद्धता
हाम्रा कुरा
प्रकाशित २०८२ कार्तिक १० सोमबार
2.4k
Shares
तस्बिर फाइल
काठमाडौँ । कम्बोडिया र थाइल्यान्डले मलेसियाको राजधानीमा आयोजित ४७ औं दक्षिणपूर्वी एशियाली राष्ट्र संघ (आसियान) शिखर सम्मेलनको छेउमा शान्तिको संयुक्त घोषणापत्रमा हस्ताक्षर गरेका छन्।
कम्बोडियाका प्रधानमन्त्री हुन मानेट र थाई प्रधानमन्त्री अनुतिन चार्नविराकुल ले उक्त घोषणापत्रमा हस्ताक्षर गरेका हुन्। कम्बोडियाले संयुक्त घोषणाहरूलाई पूर्ण र इमानदारीपूर्वक कार्यान्वयन गर्ने प्रतिबद्धता जनाएको छ।
थाई प्रधानमन्त्री चार्नविराकुलले यो घोषणा पूर्ण रूपमा कार्यान्वयन भएमा दिगो शान्तिका लागि आधारस्तम्भ प्रदान गर्ने र यसले दुई देशको सम्बन्ध सुधार गर्ने बताएका छन्।
कम्बोडियाली र थाई सेनाहरू बीच गत जुलाई २४ मा उनीहरूको सीमामा सशस्त्र झडपहरू भएका थिए, जसका कारण सयभन्दा बढी मानिसहरूको मृत्यु र घाइते भएका थिए।
यस घटनापछि, अगस्ट ७ मा मलेसियामा आयोजित एक बैठकमा दुई आसियान सदस्य राष्ट्रहरूले युद्धविरामको विवरणमा सहमति जनाउँदै एउटा सम्झौतामा हस्ताक्षर गरेका थिए। उक्त सम्झौतामा थप आवागमन नगरी हालको सेना तैनाथी कायम राख्ने र सीमामा सेना नबढाउने प्रतिबद्धता गरिएको थियो। नयाँ घोषणापत्रले सोही प्रयासलाई थप बल पुर्याउने अपेक्षा गरिएको छ।
