सुमात्रामा बाढी र पहिरो: मृत्यु हुनेको संख्या छ सय चार पुग्यो
चार सय ६४ बेपत्ता
हाम्रा कुरा
प्रकाशित २०८२ मंसिर १६ मंगलबार
1.9k
Shares
काठममाडौँ। इण्डोनेसियाको सुमात्रा टापुका तीन प्रान्तमा हालै आएको विनाशकारी बाढी र पहिरोका कारण मृत्यु हुनेको सङ्ख्या ६०४ पुगेको छ। राष्ट्रिय विपद् व्यवस्थापन एजेन्सीका अनुसार थप ४६४ जना बेपत्ता छन्।
बाढीले उत्तरी सुमात्रा, पश्चिम सुमात्रा र आचे प्रान्तहरूमा लगभग ५ लाख ७० हजार मानिसहरूलाई विस्थापित गरेको एजेन्सीले रिपोर्ट गरेको छ। प्रभावित क्षेत्रहरूमा उद्धार कार्य पूर्ण गतिमा जारी रहेको एजेन्सीले जनाएको छ।
सडकमा क्षति र सञ्चार सञ्जालमा अवरोधका कारण केही प्रभावित क्षेत्रहरू पहुँचयोग्य छैनन्, जसका कारण राहत सामग्रीहरू मुख्यतया हवाई मार्गबाट पुर्याइँदैछ। इण्डोनेसियाका राष्ट्रपति प्रबोवो सुबियान्तोले सरकारको उद्धार र राहत प्रयासहरू पूर्ण शक्तिका साथ अगाडि बढिरहेको बताउनुभएको छ।
