‘सुरक्षित आकाश’ नारासहित अन्तरराष्ट्रिय नागरिक उड्डयन दिवस मनाइँदै
हाम्रा कुरा
प्रकाशित २०८२ मंसिर २१ आइतबार
736
Shares
काठमाडौँ । ‘सुरक्षित आकाश’ नाराका साथ आज (डिसेम्बर ७) अन्तरराष्ट्रिय नागरिक उड्डयन दिवस = विश्वका विभिन्न मुलुकमा मनाइँदैछ। विशेषगरी अन्तरराष्ट्रिय नागरिक उड्डयन सङ्गठन (आइकाओ) का सदस्य राष्ट्रहरूमा यो दिवस मनाइन्छ।
यो दिवस सन् १९९४ को डिसेम्बर ७ मा आइकाओ स्थापनाको ५०औँ वार्षिकोत्सवको अवसर पारेर मनाउन प्रारम्भ गरिएको हो। त्यसको दुई वर्षपछि संयुक्त राष्ट्रसङ्घको महासभाले यसलाई औपचारिक मान्यता प्रदान गरेको थियो।
यस दिवसमा अन्तरराष्ट्रिय हवाई सेवाले विश्वका विभिन्न मुलुकको सामाजिक तथा आर्थिक विकासमा पुर्याएको योगदान, र मानव जातिको यात्रालाई सहज बनाउन विश्वव्यापी द्रुत यातायात सञ्जाल निर्माणमा आइकाओको भूमिकाको स्मरण गरिन्छ। आइकाओले जनाएअनुसार, आगामी २०३० मा दिगो विकासका लक्ष्यहरू हासिल गर्ने सन्दर्भमा हवाई सेवाले विश्वका विभिन्न राष्ट्रलाई जोड्ने प्रमुख माध्यम भएकाले यो दिवसको सान्दर्भिकता अझ बढेको छ।
