स्याङ्जाका आठ क्याम्पसमा पाँच नेविसंघको कव्जामा

इतिहास रच्दै गल्याङ बहुमुखी क्याम्पस

श्रीकृष्ण सिग्देल, प्रकाशित मिति : २०७३ फाल्गुण १९ बिहिबार
तस्बिर: फाइल
स्याङ्जा। स्वतन्त्र विद्यार्थी युनियनको १८ गते भएको निर्वाचनमा स्याङ्जाका आठ क्याम्पस मध्ये पाँच क्याम्पसमा नेपाल विद्यार्थी संघले कव्जा जमाउन सफल भएको छ । १८ गते बुधवार जिल्लाका सात क्याम्पसमा निर्वाचन भएको थियो भने एक क्याम्पसमा १४ गते नै निर्विरोध चयन भएको थियो । सात क्याम्पसमा भएको निर्वाचन अनुसार पाँच क्याम्पसमा नेविसंघले स्ववियु निर्वाचन जितेको छ भने दुई क्याम्पस अनेरास्ववियुले जित हात पारेको छ । वालिङ बहुमुखी क्याम्पसको भने मतदान प्रक्रिया पुरा भएपनि मतगणना भने स्थगित भएको छ । 
 
नेपाल विद्यार्थी संघले चापाकोट बहुमुखी क्याम्पस, गल्याङ् बहुमुखी क्याम्पस, त्रिभुवन आर्दश क्याम्पस, मालुङ्गा बहुमुखी क्याम्पस र राधादामोदर संस्कृति बहुमुखी क्याम्पसमा विजयी प्राप्त गरेको छ भने सिद्धार्थ बहुमुखी क्याम्पस र मिर्मि बहुमुखी क्याम्पसमा अनेरास्ववियुले जित हात पारेको छ । चापाकोट बुहुमुखी क्याम्पसमा सविन डोटेल सभापतिमा निर्वाचित भएका छन् भने अन्य पदमा अनेरास्ववियु निर्वाचित भएको बताइएको छ । सचिव पदमा नेविसंघ र अनेरास्ववियुका उमेदवारको मतपरिणाम वरावरी भएपछि गोलापर्थाबाट छुट्टाउने प्रयास पछि अनेरास्ववियुलाई  परेको बताइएको छ । त्यसै गरी गल्याङ बहुमुखी क्याम्पसमा प्रेमनारायण रेग्मीले इतिहास रच्दै सभापतिमा निर्वाचित भएका छन् भने अन्य पदमा अनेरास्ववियुले विजयी हासिल गरेको छ । गल्याङमा पनि सचिव पदमा वरावरी मत परेपछि गोलापर्थाबाट छुट्टाउदा अनेरास्ववियुलाई नै हात परेको छ । 
 
त्यसै गरी त्रिभुवन आर्दश बहुमुखी क्याम्पसमा सुनिल चापागाईको सभापति पद सहित सबै प्यानल जित्न सफल भएको छ । अत्याधिक मतले क्याम्पसमा नेविसंघले जित्न सफल भएको नेपाल विद्यार्थी संघका जिल्ला अध्यक्ष अजित क्षेत्रिले जानकारी दिए । मालुङ्गा बहुमुखी क्याम्पसमा खगेन्द्र भण्डारी सभापति सहित नेविसंघको सबै प्यानलले जित हात पार्न सफल भएको छ । राधादामोदर संस्कृति बहुमुखी क्याम्पसमा भने फागुन १४ गते नै नेविसंघको तर्फबाट सुदिप पाठक सभापति सहित सबै प्यानल निर्विरोध चयन भएका छन् । 
 
लामो समय आफ्नो स्ववियुको पकड बनाउदै आएको गल्याङ बहुमुखी क्याम्पसमा भने यो पटकको निर्वाचनमा सभापति नेविसंघले जित्न सफल भएको छ । अन्यपदमा अनेरास्ववियुले जित हात पारेपनि सभापति जस्तोपदमा नेविसंघले जित हात पार्नु इतिहास रचिएको नेविसंघ क्षेत्रिय सभापति धनराज पौडेलले बताए । यता वालिङ बहुमुखी क्याम्पसमा भने निर्वाचन अधिकृत र मतदान अधिकृतको लापरवाहिका कारण मतगणना स्थगित भएको छ । ७ सय ३२ मत खसेकोमा १ सय मत गन्ने क्रममा ७ ओटा मतपत्रमा दुवै अधिकृतले हस्ताक्षर नगरेको मतपत्र भेटिएपछि विवाद सिर्जना भएको थियो । कुनै निस्कर्ष निस्कन नसकेपछि मतगणनालाई स्थगित गरिएको छ । अहिले सम्म वार्ता र संवाद चलेपनि कुनै निष्कर्स निस्कन सकेको छैन । 
नयाँ