काठमाडौं । मधेशी मोर्चाले आह्वान गरेको बन्दले रुपन्देही र कपिलबस्तुको जनजीवन सामान्य प्रभावित बनेको छ । सप्तरीमा सोमबार भएको गोली काण्डको विरोधमा मधेशी मोर्चाले आह्वान गरेको मधेश बन्दले यी दुई जिल्लामा सामान्य प्रभाव पारेको हो ।
अहिले कपिलबस्तुको अञ्चलपुर, लुम्बिनी गेट र देवकोटाचोकमा फाट्टफुट्ट प्रदर्शनकारी रहेकोले सो क्षेत्रमा सवारी न्यून मात्रामा चलेको छ । जसकाकारण, प्रहरीले सो क्षेत्रबाट चल्ने सवारीलाई भित्रीबाटो हुँदै डाईभर्सन गरेको छ । भित्री बाटोमा भने निर्वाध रुपमा सवारी चलिरहेको भैरहवाबाट स्थानीय पत्रकार पोषकान्त पोखरेलले जानकारी दिए ।
उनका अनुसार यी तीन चोकबाहेक अन्यत्र निर्वाध रुपमा सवारी चलिरहेको छ भने शिक्षणसंस्थाहरु बन्द गरिएको छ । सामान्य पसलहरु भने निर्वाध सञ्चालनमा आईरहेको छ ।
