काठमाडौं। नेकपा एमालेको मेची महाकाली अभियानको क्रममा घाइते भएका युवा संघ नेपाल मोरङ जिल्ला कमिटी सदस्य मनोज सिंह राईलाई थप उपचारका लागि काठमाडौं ल्याइएको छ । सप्तरी गोली काण्डमा भागदौडका क्रममा सवारी साधनले हानेर घाइते भएका राईलाई थप उपचारका लागि काठमाडौं ल्याइएको हो।
काठमाडौंमा उनको रास्टिय ट्रमा सेन्टरमा उपचार भइरहेको छ । अस्पतालका वरिष्ठ चिकित्सकहरु उनको उपचारमा संलग्न रहेका छन्। विराटनगरको नोवेल अस्पतालमा उपचार हुन नसकेपछि राईलाई काठमाडौं ल्याइएको हो । करङ ५ ठाउँमा भाचिएको तथा आन्तरिक रक्तश्राव धेरै भएको कारण थप उपचारका लागि काठमाडौं ल्याइएको यूवा संघका उपाध्यक्ष पर्शुराम बस्नेतले जानकारी दिए ।
भागदौडमा गाडीले हानेर घाइते भएका राईलाई अस्पताल पुर्याएको १ घण्टापछि एमालेका कार्यकर्ताहरुले पहिचान गरेका थिए । उनको अवस्था गम्भिर रहेको छ ।