मोरक्कोले बनायो विश्वकपमा नयाँ कीर्तिमान, स्कटल्यान्ड पराजित
हाम्रा कुरा
प्रकाशित २०८३ असार ६ शनिबार
230
Shares
काठमाडौँ। फिफा विश्वकप-२०२६ अन्तर्गत समूह चरणको खेलमा मोरक्कोले स्कटल्यान्डलाई १-० ले पराजित गर्दै ऐतिहासिक उपलब्धि हासिल गरेको छ।
खेलको शुरूआतमै इस्माइल साइबेरीले दोस्रो मिनेटमा गोल गर्दै मोरक्कोलाई अग्रता दिलाएका थिए। त्यसपछि मोरक्कोले खेलको अधिकांश समय नियन्त्रणमा राख्दै स्कटल्यान्डलाई दबाबमा राख्यो। अन्तिम मिनेटहरूमा स्कटल्यान्डले बराबरीका लागि लगातार प्रयास गरे पनि सफल हुन सकेन।
यो जितसँगै मोरक्कोको समूह चरणमा युरोपेली टिमविरुद्धको उत्कृष्ट प्रदर्शन पनि जारी रह्यो। मोरक्को पछिल्ला सात समूह चरणका खेलमध्ये केवल एक खेलमा मात्र पराजित भएको छ। यस क्रममा अफ्रिकी राष्ट्रमध्ये सबैभन्दा लामो अपराजित यात्रा कायम गर्दै नयाँ कीर्तिमान पनि बनाएको छ।
यसअघि यो कीर्तिमान क्यामरुन र सेनेगलको नाममा रहेको थियो।
मोरक्कोले स्कटल्यान्डविरुद्ध आफ्नो शतप्रतिशत जितको रेकर्ड पनि कायम राखेको छ। यसअघि सन् १९९८ को विश्वकपमा पनि मोरक्कोले स्कटल्यान्डलाई ३-० ले पराजित गरेको थियो।
अब मोरक्कोले समूहको शीर्ष स्थान सुनिश्चित गर्ने लक्ष्यसहित अन्तिम खेलमा हाइटीसँग प्रतिस्पर्धा गर्नेछ।
उता स्कटल्यान्डले अन्तिम खेलमा ब्राजिलसँग प्रतिस्पर्धा गर्नेछ र नकआउट चरणमा पुग्ने सम्भावना कायम राख्ने प्रयास गर्नेछ।
