फ्रान्स विश्वकपको नकआउटमा, एम्बाप्पेको गोलमा इराक पराजित
हाम्रा कुरा
प्रकाशित २०८३ असार ९ मंगलबार
1.2k
Shares
काठमाडौँ । फ्रान्स विश्वकप फुटबलको नकआउट चरणमा प्रवेश गरेको छ । समूह चरणको खेलमा लगातार दुई जितसहित एक खेलअघि नै साविक उपविजेता फ्रान्स अन्तिम ३२ मा पुगेको हो ।
आज बिहान सम्पन्न समूह आईको खेलमा फ्रान्सले इराकलाई १–० ले पराजित गर्यो ।
स्टार खेलाडी केलियन एम्बाप्पेले निर्णायक गोल गरे ।
खेलको १४ औँ मिनेटमा माइकल ओलिसको पासमा एम्बाप्पेले गोल गरेका हुन् । यो एम्बाप्पेको विश्वकपमा कीर्तिमानी १५ औँ गोल हो ।
उनीभन्दा अगाडि अर्जेन्टिनाका लियोनल मेस्सी र जर्मनीका मिरोस्लाभ क्लोजमात्रै छन् ।
ब्रजिलका रोनाल्डोको समान १५ गोलकै कीर्तिमान छ ।
क्लोज र रोनाल्डोले सन्यास लिइसकेकाले अब फराकिलो कीर्तिमान एम्बाप्पे र एम्बाप्पै नाममा हुने निश्चित छ ।
फ्रान्सले यसअघि सेनेगललाई ३–१ ले हराएको थियो । फ्रान्स ६ अंकसहित शीर्ष स्थानमा रहेको छ ।
दुवै खेल हारेको इराक बाहिरिएको छ । नर्वे एक खेलबाट ३ अंकसहित दोस्रो तथा एक खेलबाटै अंकविहीन सेनेगल तेस्रो स्थानमा छ ।
