-
-
-
-
काठमाडौँ। नेपाली बजारमा सोमबार सुनचाँदीको भाउ घटेको छ।
आइतबारको तुलनामा सोमबार सुनको भाउ तोलामा नौ सय र चाँदीको २५ रुपैयाँ घटेको हो।
मूल्य घटेसँगै सोमबार छापावाला सुनको भाउ प्रतितोला दुई लाख ८९ हजार चार सय रुपैयाँ कायम भएको नेपाल सुनचाँदी रत्न तथा आभूषण महासंघले जनाएको छ ।
यसअघि आइतबार सुनको भाउ प्रतितोला दुई लाख ९० हजार तीन सय रुपैयाँ रहेको थियो।
यता, आइतबार प्रतितोला चार हजार छ सय पाँच रुपैयाँमा कारोबार भएको असली चाँदीको भाउ चार हजार पाँच सय ८५ रुपैयाँ कायम भएको महासंघले जनाएको छ।
