पत्रकार गौतमको दुर्घटना, अपरेशन पछि स्वास्थ्यमा क्रमिक सुधार

प्रकाशित मिति : २०७३ फाल्गुण ३० सोमबार
काठमाडौ । पत्रकार नेमिष गौतम गम्भीर दुर्घटनामा परेका छन् । गत शुक्रबार बेलुकी दूर्घटना पछि अचेत अवस्थामा नै कसैले ट्रमा सेन्टरमा ल्याएर छोडेको उनको बारेमा शनिबार बिहान मात्र थाहा भएको उनको भाइ मनिष गौतमले बताए ।
 
अहिलेसम्म कहाँ र कसरी दुर्घटना भयो भन्नेबारेमा केही थाहा नभएको उनको भनाई छ ।  अफिसबाट निस्किएपछि बाटोमा कतै दूर्घटना परेको हुन सक्ने अनुमान उनले गरेका छन् । उनको सिटी स्क्यानपछि टाउकोमा चोट लागेर रगत जमेको देखिएको थाहा भएपछि डा. राजिब झा लगायतको टोलीले तीन घण्टा समय लगाएर टाउको शल्यक्रिया गरी जमेको रगत निकालिएको छ । हाल उनको अवस्था खतरामुक्त भएपनि आईसियूमा राखिएर उपचार भइरहेको बताइएको छ ।
 
यसैबीच, पत्रकार गौतमका स्वास्थ्य लाभको कामना गर्दै चलचित्र पत्रकार संघले विज्ञप्ति जारी गरेका छ । उनको स्थाई घर इलाम हो । उनी बिगत लामो समय देखि स्थानीय तथा ब्रोडसिटको मिडियाहरुमा मनोरञ्जन बिटमा काम गर्दै आएका थिए । हाल उनी नागरिक दैनिकमा काम गर्छन, यस अघि उनी हाम्राकुरा डटकममा समेत आवद्व थिए ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ