काठमाडौं । स्थानीय तहको निर्वाचन नजिकिँदै गर्दा विभिन्न राजनीतिक दलबाट असन्तुष्टि जनाउँदै अर्काे पार्टीमा प्रवेश गर्नेहरुको लहर पनि बढ्न थालेको छ । व्यवस्थापिका संसद्को सबैभन्दा ठूलो पार्टीदेखि व्यवस्थापिका संसद्मा दर्ता नै हुन नसकेको दलसम्ममा पार्टी प्रवेश गर्नेहरुको होड चलिरहेको छ ।
सोमबार रसुवामा आयोजित एक कार्यक्रममा नयाँ शक्ति नेपालका संयोजक बाबुराम भट्टराईले नवप्रवेशीहरुलाई खादा लगाएर स्वागत गरे । यसरी नयाँ शक्तिमा प्रवेश गर्नेहरुमा एमालेका रसुवा जिल्ला सदस्य मानकाजी ग्यावा तामाङ र काँग्रेस रसुवाका युवा नेता एवं समाजसेवी कान्छा तामाङ नयाँ शक्तिमा प्रवेश गरेको नयाँ शक्तिले जनाएको छ ।