निधिले लिए नेबिसंघ संस्थापक नेता शाक्यको स्वास्थ्यबारे जानकारी

प्रकाशित मिति : २०७३ चैत १७ बिहिबार
काठमाडौं । उपप्रधान तथा गृहमन्त्री विमलेन्द्र निधिले नेपाली कांग्रेसका पुराना नेता मार्सल जुलुम शाक्यको स्वास्थ्य अबस्थाबारे जानकारी लिएका छन् । गृहमन्त्री निधिले अस्पताल पुगेर उनको स्वास्थ्य अबस्थाबारे जानकारी लिएका हुन् । मस्तिष्कघातले सिकिस्त भएपछि काठमाडौंको ग्राण्डी अस्पतालमा भर्ना भएका नेता शाक्यको राजधानीको ग्रान्डी अस्पतालमा उपचार भइरहेको छ ।
 
 अस्पताल जानुअघि गृहमन्त्री निधिले प्रधानमन्त्री पुष्पकमल दाहालसंग शाक्यको उपचारमा सरकारले गर्ने सहयोगबारे कुराकानी गरेका थिए । प्रधानमन्त्री दाहालसंगको कुराकानीपछि गृहमन्त्री निधिले सरकारका तर्फबाट शाक्यको उपचारका लागि  १५ लाख सहयोग गरिने बताए । फागुन २० मा नर्भिक अस्पताल लगिएकोमा स्वास्थ्य नसुधारिएपछि चैत ४ मा उनलाई ग्रान्डीमा भर्ना गरिएको थियो । मार्सल मुटु र मृगौला रोगबाट समेत पीडित छन् ।
 
नेबिसंघको संस्थापक नेता शाक्यले २०१७ सालमा राजा महेन्द्रले वीपी कोइरालाको जननिर्बाचित सरकारलाई कू गरेपछि पहिलोपटक सडकमा उत्रिएर राजाको कदमको बिरोध गरेका थिए । २०४७ सालको अन्तरिम मन्त्रिपरिषदमा आवास तथा भौतिक योजना मन्त्री थिए । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ