निधिकै कार्यकक्षबाट निस्केका मन्त्री गुरुङले भने–राजीनामा दिनेसम्मको कुरा भएको छैन

प्रकाशित मिति : २०७३ चैत २४ बिहिबार

काठमाडौँ । उपप्रधान मन्त्रीहरुबीचको वरीयता विवादका कारण मन्त्रिपरिषद् बैठक बस्न नसकिरहेकै बेला उपप्रधान एवं गृहमन्त्री विमलेन्द्र निधि राजीनामा दिने मनस्थितिमा पुगेका बताइँदैछ ।

यद्यपि, निधिकै कार्यकक्षमा विहिबार साँझ बसेको काँग्रेस मन्त्रीहरुको बैठकमा उपस्थित श्रममन्त्री सूर्यमान गुरुङले राजीनामा दिने सम्मको कुरा नभएको बताएका छन् ।

बैठकबाट बाहिरिँदै उनले भने, ‘वरियताको विषय हाम्रो चासोको विषय हो । यद्यपि, हामीले छलफलमा राजीनाको विषयमा कुरा गरेका छैनौँ । वरियताकै विषयलाई लिएर क्याविनेट नबसेपछि सरकारलाई दबाब दिने कि भन्ने सम्मको कुरा उठ्नु स्वभाविकै हो । पार्टीको आन्तरिक विषयको कुरा पनि भयो ।’ सरकारमा रहेर आफुहरुले गरेका कामबारे पनि हामीले समीक्षा गरेका छौँ ।

मन्त्री गुरुङले क्याविनेट बस्न नसकेपछि काँग्रेस मन्त्रीहरुको छलफल भएको बताए । बिहीबार बोलाइएको मन्त्रि परिषद् बैठक पनि बस्न सकेत । मन्त्रिपरिषद् बैठक बस्न नसकेपछि प्रहरी प्रमुख नियुक्ति लगायतका महत्वपूर्ण कामहरु अड्किएका छन् ।  उपप्रधान मन्त्रीद्वय विमलेन्द्र निधि र कमल थापाबीचको वरियता विवादले यसअघि पनि सरकारका केही महत्वपूर्ण कामहरु हुन सकेका थिएनन् ।

प्रधानमन्त्री पुष्पकमल दाहालले वरियता विवादकै कारण कार्यवाहक प्रधानमन्त्रीको जिम्मा कसैलाई नदिई चीन भ्रमण गरे । वरियताका विवादका कारण सरकारलाई परेका अप्ठ्याराहरु अब उप प्रधानमन्त्री निधिले फुकाउने मनसाय बनाएको बहस भइसकेको छ ।

निधि सरकारबाटै बाहिरिने तयारीमा रहेका बताइँदैछ । यद्यपि, शुक्रबार मात्रै निधि युइर्एको भ्रमणमा निस्किँदै छन् । यसअघि कांग्रेसको नेतृत्व गर्दै सरकारमा गएका निधि भारत भ्रमणमा रहेका बेला प्रधानमन्त्री दाहाले कमल थापालाई उपप्रधानमन्त्री बनाएर सरकारमा भित्र्याएका थिए ।

थापालाई आफुभन्दा माथि राख्न खोजेको भन्दै निधिले यसअघि नै असन्तुष्टी जनाएका थिए । निधिले राजीनामा गर्ने भन्ने विषयले विहिबार सुरक्षा निकायहरु सतर्क भएका बताइँदैछ । राजीनामाको विषयले नेपाली सेना समेत सतर्क भएको बताइएको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ