नेपाल र चीनका सेनाबीच संयुक्त सैन्य तालिम, के छ निशानामा ?

प्रकाशित मिति : २०७४ बैशाख ३ आइतबार

काठमाडौं । नेपाली सेना र चीनको जनमुक्ति सेनाको बिशेष फौजहरुबीच पहिलो पटक संयुक्त सैन्य अभ्यास शुरु भएको छ ।  सगरमाथा फ्रेण्डसिप नाम दिइएको संयुक्त अभ्यास महाराजगञ्जस्थित सैनिक व्यारेकमा व्यवस्था तथा युद्धकार्य महानिर्देशक उपरथी विनोद कुमार श्रेष्ठले विशेष कार्यक्रमको बिच शुभारम्भ गरेका थिए ।  

संयुक्त सैन्य तालिमको शुभारम्भ गर्दै उपरथी श्रेष्ठले नेपाली सेना र चिनियाँ जनमुक्ति सेना बिच प्रथम पटक सञ्चालन हुन गईरहेको संयुक्त सैन्य तालिमले दुबै देशका सेनाको व्यवसायिकता अभिबृद्धि हुनुको साथै मित्रवत सम्बन्धमा नयाँ आयाम थपिने बिश्वास व्यक्त गरे । 

कार्यक्रममा चिनियाँ जनमुक्ति सेनाका तर्फबाट कर्णेल YANG Shumengले नेपाली सेना र चिनियाँ जनमुक्ति सेना बिचको महत्वपूर्ण पारस्परिक ऐतिहासिक सम्बन्धबारे उल्लेख गर्नु हुँदै यस प्रकारको संयुक्त सैन्य तालिमबाट प्रतिआतंकबाद कारवाहीको क्षमतामा अभिबृद्धि हुने र दुई देशको आपसी सम्बन्ध अरु मजबुत हुने विश्वास व्यक्त गरे । 

नेपालले यस किसिमका संयुक्त सैन्य अभ्यास अन्य मित्र राष्ट्रका सेनासँग गरेपनि चिनियाँ सेनासँग भने पहिलो भएकोले पनि यसलाई अर्थपूर्ण रुपमा लिइएको छ । 

कार्यक्रममा नेपाली सेनाका रथीहरु, नेपालका लागि चिनियाँ सैनिक सहचारी तथा दुवै देशबाट उक्त संयुक्त सैन्य तालिममा सहभागी शिक्षक तथा शिक्षार्थीहरुको उपस्थिती रहेको थियो । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ