-
-
-
-
पोखरा । नेपालको सबैभन्दा ठूलो महानगरपालिका बन्न सफल पोखराको लेखनाथ महानगरपालिकामा नेपाली काँग्रेसले मेयर र उपमेयरमा लोकप्रिय उम्मेदवार उठाएको छ ।
मंगलबार बिहान १० बजेदेखि उम्मेदवारी दर्ता हुँदै गर्दा काँग्रेसले मेयरमा रामजी कुँवर र उपमेयरमा सरस्वती गुरुङलाई उम्मेदवार बनाउने भएको छ ।
मेयरका उम्मेदवार कुँवर ट्रेड युनियन कंग्रेसका वरिष्ठ उपाध्यक्ष हुन् । लामो समयदेखि राजनीतिमा आवद्ध कुँवर नेपाली काँग्रेसका पूर्व आमन्त्रित केन्द्रीय सदस्यसमेत हुन् ।
त्यस्तै सरस्वती गुरुङ पनि पोखरामा लोकप्रिय अनुहार हुन् । संचारकर्मीसमेत रहेकी उनलाई उपमेयरको उम्मेदवार बनाउँदा काँग्रेसको पक्षमा लहर आउनेसमेत पोखरामा चर्चा चल्न थालेको छ । गुरुङ तमु धी नेपालको उपाध्यक्षसमेत हुन् ।
