- सुन चाँदी दर
- विनिमय दर
- नेपाली पात्रो
- राशिफल
काठमाडौं । प्रहरीले राष्ट्रकवि माधव घिमिरेको निधन भएको भन्ने विषयमा फैलाईएको अफबाह बारे अनुसन्धान सुरु गरेको राष्ट्रकविको पारिवारिक स्रोतले जनाएको छ । स्वस्थ मान्छेको बारेमा फैलाईएको अपवाहबारे आफूले प्रहरीमा अनौपचारिक रुपमा उजुरी गरिसकेको पारिवारिक स्रोतले जानकारी दिएको छ ।
त्यसो त यो हल्ला चल्ने वित्तिकै महानगरीय प्रहरी बृत्तले यो हल्ला निराधार रहेको बताएको थियो । तर, गृहमन्त्री विमलेन्द्र निधीले समेत यस विषयमा ट्वीट गरी श्रद्धाञ्जली दिएपछि भने प्रहरीलाई यस विषयमा छानविन गर्न दबाब परेको हो ।
उता, राष्ट्रकवि घिमिरे अहिले स्वस्थ रहेको परिवारले जनाएको छ । उनी अहिले परिवारसँग खाना खाएर कुराकानी गरी आराम गरी रहेको परिवारले जनाएको छ। आइतबार साँझ सामाजिक सञ्जालहरुमा उनको निधनको गलत हल्ला फैलाएर दुनियाँ भ्रमित पार्नेमाथि प्रहरीले अनुसन्धान अघि बढाएको हो ।