arrow

 ‘बाढी प्रभावित क्षेत्र पुनःनिर्माण प्राधिकरण’ गठन गर्न राजपाको माग

logo
प्रकाशित २०७४ भदौ १ बिहिबार
rastriya-janata-party1.jpg

काठमाडौँ । विपद्पश्चातको आवश्यकताको सर्वेक्षण रिपोर्टका आधारमा ‘बाढी प्रभावित क्षेत्र पुनःनिर्माण प्राधिकरण’ गठन गर्न प्रधानमन्त्री शेरबहादुर देउवासँग राष्ट्रिय जनता पार्टीले माग गरेको छ । 

प्रधानमन्त्रीको सरकारी निवास बालुवाटारमा बसेको सर्वदलीय बैठक सकिएपछि राजपाका नेताले प्रधानमन्त्री देउवालाई बाढीपीडितको राहत तथा उद्धारका विषयमा १० बुँदे मागसहितको ज्ञापनपत्र बुझाएका थिए । 

ज्ञापनपत्रमा बाढीपीडितको राहतका लागि सरकारले तत्काल रु २६ अर्ब छुट्याउनुपर्ने, प्रधानमन्त्रीको अध्यक्षतामा सर्वदलीय संयन्त्र निर्माण गर्नुपर्ने, बाढीपछिको पुनःनिर्माणका लागि स्वदेशी तथा विदेशी निकायसँग सहयोगका लागि आग्रह गर्नुपर्ने, दाता सम्मेलन आयोजना गर्नुपर्ने लगायतका माग रहेका छन् । 

राजपा अध्यक्षमण्डलका संयोजक महन्थ ठाकुरले ठूलो संख्यामा बाढीपीडितमा अझै बासस्थान, खाद्यान्न र स्वास्थ्य समस्या रहेकाले त्यो समाधान गर्न प्रधानमन्त्रीको ध्यानाकर्षण गरिएको जानकारी दिए । 

उनले भने, “प्रधानमन्त्री आफैँले बाढीले पुर्‍याएको दुरवस्था हेरेर आउनुभएको छ, पीडितलाई राहतको व्यवस्था गर्न उहाँलाई गम्भीर हुन आग्रह गर्‍यो ।” रासस 



लोकप्रिय समाचार
लोकप्रिय समाचार
नयाँ