-
-
-
-
काठमाडौं । नेपाल प्रहरीले सुनकाण्डमा अहिलेसम्मकै ठूलो सफलता हासिल गरेको छ । प्रहरीले एकै पटक ८८ किलो सुनसहित क्षेत्रपाटीमा एकजनालाई पक्राउ गरेको हो ।
प्रहरीले यसलाई अहिलेसम्मकै सबैभन्दा ठूलो परिणामको सुन पक्राउ गरिएको भनेको छ ।
रसुवाको केरुङ नाकाबाट बा १७ च ६४२७ नम्बरको गाडीमा काठमाडौँ ल्याइएको सुनसहित सवारी चालक मनोज अधिकारी पक्राउ परेका हुन्।
महानगरीय अपराध अनुसन्धान महाशाखाको विशेष टोलीले सूचनाका आधारमा सोमबार बिहान २ बजे सुन पक्राउ गरेको हो ।
प्रहरीले अधिकारी भरियामात्र भएको हुनसक्ने आशंका गर्दै थप अनुसन्धान भइरहेको जनाएको छ ।
प्रहरी प्रवक्ता नरेन्द्रराज उप्रेतीले ११ बजे पत्रकार सम्मेलन गरी विस्तृत जानकारी दिने बताए ।
यसअघि प्रहरीले त्रिभुवन अन्तर्राष्ट्रिय विमानस्थलबाट ३४ किलो सुन नियन्त्रणमा लिएको थियो ।
