- सुन चाँदी दर
- विनिमय दर
- नेपाली पात्रो
- राशिफल
काठमाडौं । प्रदेश नं २ को स्थानीय तह निर्वाचनका लागि उम्मेदवारी दर्ता हुँदैछ । स्थानीय तहको तेस्रो चरणको निर्वाचन अन्तर्गत असोज २ गते ८ जिल्लामा निर्वाचन हुँदैछ ।
उम्मेदवारी दर्ताका लागि बुधबार १० देखि साँझ ५ बजेसम्मको दर्ता गर्न सकिने समय तोकिएको छ ।
विभिन्न दलका नेता तथा कार्यकर्ताहरु बाजागाजासहित उम्मेदवारी दर्ता गर्न जाने तयारी भइरहेको विभिन्न जिल्लाका नेताहरुले जानकारी दिएका छन् ।
दलहरुले ढिला गरीमात्र उम्मेदवार छान्न सफल भएका छन् ।
पहिलो चरणको निर्वाचन बैशाख ३१ गते प्रदेश नं ३, ४ र ६ मा भएको थियो भने दोस्रो चरणको निर्वाचन असार १४ गते प्रदेश नं १, ५ र ७ मा भएको थियो ।
निर्वाचन आयोगले तेस्रो चरणको निर्वाचनमा दलहरुको उल्लेखनिय सहभागीता हुने विश्वास गरेको छ ।
आयोगले उम्मेदवारी दर्तापछि बुधबारै उम्मेदवारहरुको नामावली सार्वजनिक गर्ने जनाएको छ ।
बिहीबार उम्मेदवार उपर दाबी विरोध गर्ने समय छुट्टाइएको आयोगले जनाएको छ ।