world cup

मन्त्रिपरिषद बैठक बस्दै, नयाँ मुख्य सचिव नियुक्त गर्दै

प्रकाशित मिति : २०७४ कार्तिक ६ सोमबार , ४,७९४ पटक हेरिएको

काठमाडौं । मन्त्रिपरिषदको बैठक सोमबार बिहान बस्दैछ । बिहान ९ बजेदेखि बस्न लागेको बैठकले नयाँ मुख्य सचिव नियुक्त गर्दैछ । 

अहिलेका मुख्यसचिव राजेन्द्रकिशोर क्षेत्रीले मंगलबारदेखि उमेरहदका कारण अवकाश पाउने भएपछि सरकारले नयाँ मुख्यसचिव नियुक्त गर्न लागेको हो । 

गृह सचिव लोकदर्शन रेग्मीलाई मुख्य सचिव नियुक्त गर्ने तयारी भइरहेको स्रोतले बताएको छ । 

मन्त्रीपरिषद बैठकले केही सचिवको बढुवा र सरुवा गर्ने तयारी पनि गरेको जनाइएको छ । 

गोरखापत्रको महाप्रवन्धक नियुक्त पनि आजैको वैठकले गर्न सक्ने बताइएको छ। गोरखापत्रको महाप्रवन्धकमा पत्रकारहरु वसन्तप्रकाश उपाध्याय, कृष्ण केसी र पोषण केसी प्रतिष्पर्धामा छन्। 

चलचित्र विकास वोर्डको अध्यक्ष नियुक्त पनि आजैको वैठकले गर्न सक्ने बताइएको छ । 

सम्बन्धित समाचार

नयाँ