समाजवादीले उम्मेदवार टुंगो लगायो, उपेन्द्र यादव सप्तरी २ बाट चुनाव लड्ने
अशोक राईलाई सुनसरी १
प्रकाशित २०७४ कार्तिक १४ मंगलबार
338
Shares
काठमाडौं । उपेन्द्र यादव नेतृत्वको संघीय समाजवादी फोरमले दोस्रो चरणमा हुने प्रदेश र प्रतिनिधिसभा सदस्य निर्वाचनका लागि प्रत्यक्षतर्फको उम्मेदवारी टुंगो लगाएको छ ।
मंगलबार बसेको पदाधिकारी बैठकले अधिकांश जिल्लाको उम्मेदवारी टुंगो लगाएको हो । काठमाडौँसहित केही जिल्लाको उम्मेदवारी वुधबार टुंगो लाग्ने संघीय समाजवादी फोरमले जनाएको छ ।
वुधबार बाँकी रहेका जिल्लाको विवरण समेत सार्वजनिक हुने बताइएको छ । पार्टी अध्यक्ष उपेन्द्र यादव सप्तरी २ बाट चुनाव लड्ने भएका छन् । अध्यक्ष यादवको नाम मोरङबाट समेत सिफारिस भएको थियो ।
सप्तरी १ बाट प्रतिनिधिसभाका लागि डा. सूर्यनारायण यादव चुनाव लड्ने पक्का भएको छ । राजपासँगको सहमति अनुसार संघीय समाजवादीले सप्तरी ३ र ४ छोडेको छ ।
मंगलबार मात्रै राजपासँग सिट बाँडफाँडको समझदारी पत्रमा हस्ताक्षर भएको थियो । बरिष्ठ नेता अशोक राई सुनसरी १ बाट चुनाव लड्ने भएका छन् । यसअघि राई उदयपुरबाट समानुपातिकतर्फ संविधानसभा सदस्य थिए । उपेन्द्र यादव सुनसरी–५ बाट निर्वाचित भएका थिए । उम्मेदवारहरुको विवरण
