कर्नाटकमा नाटकः मुख्यमन्त्री येदियुरप्पाले ५५ घण्टामै दिए राजीनामा
प्रकाशित २०७५ जेठ ६ आइतबार
330
Shares
काठमाडौं । भारतको कर्नाटक राज्यमा नाटक चलिरहेको छ । निर्वाचनमा कुनै पनि दलको स्पष्ट बहुमत नभएपछि सरकार कसले बनाउने भन्ने नै पत्तो छैन ।
बीजेपीका मुख्यमन्त्रीले सपथ खाएको ५५ घण्टामै राजीनामा दिएपछि नाटकले नयाँ मोड लिएको छ । ७५ वर्षे बीएस येदियुरम्पाले काँग्रेस आइको दबाब थेग्न नसकेपछि राजीनामा दिएका थिए ।
उनले शनिबार राज्यपाल बजुभाई वाला समक्ष राजीनामा बुझाएका हुन् । उनले विश्वासको मत लिने समयसम्म पनि कुरेनन् ।
कर्नाटकमा बीजेपीको १०४ सिट, काँग्रेसको ७८ र जेडीएसको ३८ सिट रहेको छ । बहुमतका लागि १११ सिट ल्याउनु पर्नेमा बिजेपीको १०३ सिट मात्र छ (एक सिट सभामुख) । काँग्रेस र जेडीएस मिलेपछि बहुमत पुग्छ ।
अब सोमबार एचडी कुमारस्वामीले दोस्रो पटक कर्नाटकको मुख्य मन्त्रीका लागि सपथ लिनेछन् ।
यो सपथग्रहणमा काँग्रेस अध्यक्ष राहुल गान्धी र पूर्व अध्यक्ष सोनिया गान्धी जाने भएका छन् ।
यसअघि बीजेपीले काँग्रेसका सांसद किन्ने खतरा थियो । तर कोही पनि क्याम्प फेर्न तयार नभएपछि बीजेपी निराश भएको हो ।
