- सुन चाँदी दर
- विनिमय दर
- नेपाली पात्रो
- राशिफल
काठमाडौं । एमाले र माओवादी केन्द्र एक भई बनेको नेपाल कम्युनिस्ट पार्टीले सुवास नेम्वाङलाई संसदीय दलको उपनेता बनाएको छ ।
वुधबार बसेको संसदीय दलको बैठकले पूर्वसभामुख समेत रहेका नेम्वाङलाई दलको उपनेता चुनेको सांसद कृष्णगोपाल श्रेष्ठले हाम्राकुरालाई जानकारी दिए ।
नेम्वाङ यसअघि तत्कालीन एमालेको संसदीय दलको उपनेता थिए । नेकपाको संसदीय दलको बैठकले देव गुरुङलाई प्रमुख सचेतक बनाएको छ । गुरुङ यसघि तत्कालीन माओवादी केन्द्रको प्रमुख सचेतक थिए ।
शान्ता चौधरी सचेतक बनेकी छन् । संसदीय दल समावेशी बनाउन दलका नेता केपी शर्मा ओलीले नेम्वाङ, गुरुङ र चौधरीलाई प्रस्ताव गरेका हुन् । योसँगै नेम्वाङ्, गुरुङ र चौधरीले पार्टी एकीकरणपछि पनि उही पद पाएका छन् ।