-
-
-
-
काठमाडौं । ग्वाटेमालामा भएको ज्वालामुखी विस्फोटमा परी अहिलेसम्म ६२ जनाको ज्यान गइसकेको छ । आइतबार भएको उक्त शक्तिशाली विस्फोटमा ७ जना र त्यसपछि २५ जनाको शव फेला परेको थियो ।
उद्धार र खोजी कार्य अझै जारी रहेकाले मृतकको संख्या बढ्न सक्ने जनाइएको छ । ३०० भन्दा बढी घाइते भएका थिए ।
उक्त ज्वालामुखी ग्वाटेमालाको राजधानी सहरको नजिकै विस्फोट भएको हो । उक्त स्थानमा यस वर्षमात्र दुई पटकसम्म ज्वालामुखी विस्फोट भएको अधिकारीहरुले जनाएका छन् ।
त्हाँको सेना र प्रहरीले उद्धारको काम जारी राखेको छ । जसका कारण ठूलो संख्याका स्थानीयलाई पनि अन्यत्रै सारिएको छ ।
स्थानीयवासीलाई उद्धार गरेर अर्को स्थानमा सार्न पनि ठूलो संख्यामा सेना परिचालन गरिएको अधिकारीहरुले जनाएका छन् । आइतबार राति भएको यस विस्फोटमा परी कम्तीमा पनि १७ लाख मानिस प्रभावित भएका छन् ।
