ज्वालामुखी विष्फोटमा दुई सय जना बेपत्ता, मर्नेको संख्या ७५ पुग्यो
प्रकाशित २०७५ जेठ २३ बुधबार
312
Shares
काठमाडौं । आइतबार ग्वाटेमालामा भएको ज्वालामुखी विष्फोटमा परी मृत्यु हुनेको संख्या ७५ पुगेको छ । साथै यो विष्फोटमा परी एक सय ९२ जना मानिसहरु हराइरहेको अधिकारीहरुले जानकारी दिएका छन् ।
प्रभावित गाउँहरु सबै खरानी र हिलोले पुरिएका छन् । मंगलबार नयाँ ज्वालामुखी निस्किएको र तातो ग्यास निस्किएको कारण उद्धारकार्य प्रभावित बनेको छ ।
आइतबारको ज्वालामुखीको कारण १७ लाख मानिसहरु प्रभावित बनेका छन्, जसध्ये तीन हजारलाई उद्धार गरिएको छ । मंगलबार आश्चर्यपूर्णतरिकाले अर्को ज्वालामुखी विष्फोटन भएको हो ।
आइतबार आकाशमा १० किलोमिटरसम्म माथि पुग्नेगरी ज्वालामुखी विष्फोट भएको थियो । सरकारी अधिकारीहरुले अहिले आफूहरुले हराइरहेका मानिसहरुको पहिचानको काम गरिरहेको बताएका छन् ।
आइतबार ज्वालामुखी विष्फोट हुने कुनै पनि सूचना नदिइएको कारण धेरै मानवीय क्षति भएको बताइएको छ । ग्वाटेमालाका केही स्थानीयहरुलाई यो अवस्थामा के गर्ने भन्ने विषयमा तालिम दिइएको भए पनि उनीहरुले त्यसो नगरेकोले यस्तो क्षतिको सामना गर्नुपरेको अधिकारीहरुले बताएका छन् ।
