ट्रम्प–किमबीच ऐतिहासिक भेटवार्ता, एक्लाएक्लै कुराकानी
विश्वभर प्रत्यक्ष प्रसारण, उत्तर कोरिया वञ्चित
प्रकाशित २०७५ जेठ २९ मंगलबार
440
Shares
काठमाडौं । अमेरिकाका राष्ट्रपति डोनाल्ड ट्रम्प र उत्तर कोरियाका सर्वोच्च नेता किम जोङ उनबीच सिंगापुरको होटल क्यापेलामा एतिहासिक भेटवार्ता भइरहेको छ । दुवैबीचको शिखर वार्तालाई विश्वले नै प्रत्यक्ष प्रसारणमार्फत हेरिरहेको छ ।
तर उत्तर कोरियाले भने हेर्न पाएको छैन । उत्तर कोरियामा बाहिरी च्यानलहरुमा प्रतिवन्ध लगाइएको छ ।
ट्रम्प र किमले भेटपछि संचारकर्मीसंग छोटो प्रतिक्रिया दिँदै विश्व शान्तिका लागि वार्ताका लागि बसिरहेको प्रतिक्रिया दिएका छन् ।
दुवैबीच पहिले एक्लाएक्लै वार्ता भइरहेको छ । एक्ला एक्लै भेटवार्तामा उनीहरू बाहेक भाषा अनुवादक मात्रै सहभागी छन् ।
यो एक्लाएक्लै वार्तापछि मात्र सामुहित वार्ता हुनेछ ।
त्यसपछि विभिन्न दुई पक्षीय भेटवार्ता र खाना खानेलगायतका कार्यक्रमहरु तय भएका छन् ।
भेटवार्ताको प्रक्रिया सकिएपछि ट्रम्प र किम मंगलबारै स्वदेश फर्कने छन् ।
विश्व शान्तिका लागि अहिलेसम्मकै महत्वाकांक्षी भेटवार्ता मानिएको यो वार्ताको सुरक्षा सिंगापुरमा रहेका नेपाली गोर्खा सेनाले दिइरहेको छ ।
