ललितपुर । राष्ट्रिय प्रजातन्त्र पार्टी प्रवेश बढेका छन् । शनिवार ललितपुरका विभिन्न ठाउँका व्यक्तिहरु राप्रपामा प्रवेश गरेका छन् । राप्रपा ललितपुरद्वारा आयोजित जिल्ला स्तरीय कार्यकर्ता भेलामा नव प्रवेशीहरुलाई पार्टी अध्यक्ष कमल थापाले खादा लगाएर स्वागत गरे ।
सो कार्यक्रमा अध्यक्ष कमल थापाले संगठन विस्तारमा सक्रिय हुन ललितपुरका अगुवा कार्यकर्ताहरुलाई निर्देशन दिए । सम्बोधन गर्दै अध्यक्ष थापाले पार्टीले अंगीकार गरेका एजेण्डालाई तल्लो तहसम्म पुर्याउन संगठन विस्तार अनिवार्य रहेको बताए ।
जिल्ला विकास समिति लालितपुरको सभाकक्षमा शुक्रबार सम्पन्न उक्त भेलालाई पार्टीका उपाध्यक्ष तथा पूर्व मन्त्री बुद्धिमान तामाङ महामन्त्री राजेन्द्र लिङदेन लगायतका केन्द्रीय नेतृत्वले संबोधन गरेका थिए । राप्रपा ललितपुरका जिल्ला अध्यक्ष आनन्द अधिकारीको सभापतित्वमा भएको उक्त कार्यक्रममा केन्द्रीय सदस्य निरन्जन थापाले स्वागत मन्तव्य व्यक्त गरे।
